مزايا صبايا الأردن .. هي مش مزايا بس يعني .. 1.أنا وماما زي الصاحبات ، دايماً بحكيلها كل إشي ، ماما بتعرف عنك كل إشي شغل عرط و بس طبعا -----------------------------------------------------------------------------------------------
2. كلهم شقر وعينيهم لينسيز ملونة يخزي العين . تقول هاي رجعتهم من السويد . بتسألها بتحكيلك شو لينسيز؟هدول عيوني الحئيئيين 
3. كلهم ببعتولك المسج التالي : اتصل فيي ما معي رصيد ، و عندي امتحان مش آدره أروح أشتري بطائة 
4. لو سألتها عن أحلى سنين بحياتها رح تحكيلك : ما بين 19 و 23 و بتشرحلك كيف كانت حلوة و مجننة شباب الجامعة وكيف كلهم بركضوا وراها و هي ما كانت تعبرهم _.
5.الشاطرة اللي بدها تقهر صاحباتها...بترن عل 1234(رقم مجاني لشركة الموبايل في الأردن) وبتنزل عرط و تخويث
و على آآ حبيبي و شو حياتي و i miss u يا عمري و بشوفك يا baby 
6.كلهم أخدوا رخصة السواقة بالواسطة ....و أكيد هذا واضح من البريكات الخبط أو السرعة اللي ما بتتطلع عن 20,أو حزام الأمان اللي بروح ما ينمزع قد ما هو مشدود
7.بالجامعة بتطلب ساندوش لبنه - دايماً لبنه و إذا بدها تغير بتطلب منئوشة زعتر ، و الكولا دايت طبعا بس ترجع على البيت بتقوم بصدر المنسف لحالها ، والله ,بوكلونا على جوع ! 
8.إذا حاولت تمسك إيدها بعد شهرين صحبة بتسلخك كف بتعمي ضوك ، ومش بعيد تبزق عليك قدام كل الجامعة ، بس إذا لقيتها 'صدفة' بعرس ابن خالة عم أمها ، بتضلكوا على البست للصبح ، وبتشبكوا على الدبكة وأعطيني هوارة أبو الحلاني
.....ورووووح...للصبح رقص سلوووو_على أساس فريندز طبعا
9. كلهم بابا بحبهم أكتر وحدة بين إخوانها .... وهي وبابا زي الصحاب و بابا بوخد رأيها بكل إشي
10.أكره إشي عليهم يشوفوك بتحضر مباراة ، بمعنى آخر أكتر إشي بكرهوا كرة القدم ، إلا إذا المباراة فيها إيطاليا أو إنجلترا بتلاقيهم قعدوا و بسطوا يبصبصوا على إجرين مالديني و بيكهام
بهاي معهم حق ، يعني بصراحة مالديني منظر و حسونة الشيخ منظر
11. مريحين بالهم و تنحصر اهتماماتهم في المواضيع التالية :
روجيم: - لازم أنزل كمان خمسين كيلو ،
حومرة وبودرة: - نزلوا حومرة جديدة بطعم الكيوي ،
أووولتك أسشور شعري ولا أعمله كيرلي,
الأكل: - ماما طبخت جاجة محشية تفاح ,
و ما بتغدوا غير ستيك مشوي ،و ما بشربوا غير مي .
الفن: - ما أزكاه brad pitt , رايان شعره بجنن, شفتي أصالة ما أزنخها , مش ألتلك انه بشار بحب سلمى,شفتي صندل نانسي,أحمد الشريف أحلى واحد بالعالم !, لون بشرة اليسا واااااااو, حضرتي كليب جاد شويري ما أفيعوا؟
مو معئولة هالشاكيرا!!!
12.كلهم ما بدخنوا ....بس بابا سمحلهم يأرجلوا عادي
13. عندهم حالة تشابه غريبة : إذا واحدة عملت تاتو تاني يوم كل البنات تاتو ، إذا واحدة حطت خلخال تاني يوم كل البنات خلخال ،إذا وحده صبغت شعرها أخضر تاني يوم بتنزلك موضة الأخضر _...
14.مواصفات حبيب القلب :
فايع و شعره طويل ,معه سيارة حلوة,موبايله آخر موديل,يعزمها كل يوم ع كوفي شوب , وإذا بشبه توم كروز بكون ممتاز
15. بتكون أطفش من حكيها ما في..وكلو قال و غاد و انداري و بديش و قرفانة...بالجامعة بتقلب آآل و هوناك و مو عارفة و ..thank u و كتييير زهئانة
16. دايماً شنتتهم مليانة أشياء زاكية ، إذا جعت بتلاقي معاهم السيفوي بالشنتة شبس ،شوكلاتة ،بسكوت, دروبس ،علكة,سوس
مفاهيم ربما تكون صعبة عليكم:-
عرط:كذب
تخويث:مزح
تسلخك:تضربك
فايع:شاقق الدني بصدره ومش هامه حدا
اطفش :ادفش,اثقل
غاد:هناك
انداري:لا اعرف
أضف تعليقا
من المملكة العربية السعودية
السلام عليك ورحمة الله وبركاته
اخي الكريم
كلامك طبعا جميل جدا ومنطقي وخصوصا في هذا السن الا وهو سن الجامعة والكليات والكل يتباها بما عنده والله اعلم بالحال
والحال في الاردن وخصوصا الشباب الفايعين والبنات الفايعات
دمت بخير ولك الاحترام
عاشق المطر
من الأردن
كلامك صحيح 100/100
الله يعطيك العافية
دمت بود
احمد
من سوريا
عزيزي....
كلام واقعي زوصحيح
لكن الحال داقرة بدها شوية حركة وشوية عرط
ههههههههههههه
الكذب لايبرره شيء
هنا
من الأردن
والله كل كلمة كتبتها انها مزبوطة ..على فكرة كل البنات هيك زي الحية كل شوي بوجه ...هههههههههههههه
من الأردن
هههههههههه حرام عليك مو كل البنات هيك
بس موضوعك بجنن وتقبل مروري
لولو
من الأردن
والله ياقرابة فشيت خلقي فيهن هذول امات مامي وبابي وفي الدار يما ويبا وهات تقزيز في الدار وفي الشارع وفي الباص بتقولك هيه انت ليش مابتتطلع في يابوالشباب والله بعلمك بوجهك
ههههههههههههههههه
مقال لطيف رغم مبالغته قليلا لكن فيه الابتسامة والنكهة الاردنية اللطيفة
من لإمارات العربية المتحدة
السلام عليكم
تقبلوا مروري مع احترامي للكل اهل مكة ادرى بشعابها وربما يكاد لا تخلو اي بلد في الدنياء من التقليد وهن مربط الفرس يعني التقليد والحقيقة التي لا تخفى على الجميع هو ان التقليد صعب كما يقول المثل يا صاحبي ................
القلب المحب
عزيزتي maitah
مفارقات جميلة فيها الكثير من المرارة ؟؟؟؟
مع امحبة
من الأردن
اتمنى من الله ان ينظر كل انسان في المرءاة قبل ان يبدأ بتقمص شخصية اخرى
فعند انتهاء دور تلك الشخصية لا بد وان يعود كل واحد الى الغرفة التي خرج منها صباحا
اي بمعنى يا ريت كل واحد يبقى طبيعي كما هو وما يلبس ثوب غيره
تحياتي لكم
استميحكم ان كان كلامي جارح للبعض
من سوريا
هههههههههههه... كُل البنات زي بعيضها وين ما روحت... الفرق ...بالمصطلحات المحلّية... سنّة الحياة أنثى و ذكر...؟؟
أسامة
من فلسطين
اولا شكرا على الاسلوب الساخر في النقد
لبعض جوانب السلوك البناتي فهو اكثر تاثيرا
ثانياسؤال زمان محيرني :اول ما يتغير في البنت عند الاحتكاك الاول مع الغير سواء
مع اولاد او بنات هو تغيير اللهجة والقاف اللي كانت تطلع من اخر حلقها
يا دوب تطلع من روس الشفايف
باعتقادي هذا مظهر يدل على عدم ثقة بالنفس ..
تحياتي وشكرا ..ودوام التواصل
ع مستر حوار
من الأردن
هههههههههههههههههههههههههه
ههههههههههههههههههههههه
هههههههههههههههههههههههههه
والله من الاخر!!!!!!!!!!!
من الأردن
مرحبا
طبعا انت اكيد مبسوط على الكلام اللي وجهتو النا احنا البنات في الاردن و اللي بسطك اكثر يا عزيزي الاطراء و الثناء اللي لقيتو من بعض الاصدقاء و الجيران
و التعليقات اللي بسميها رااااااااائعة بالنسبة الك
انا ما بقصد الاهانة او اي شي لاكن انت يا عزيزي انسيت انو هاي البنات ممكن تكون وحدة منهم اختك او بنتك او حتى امك زي ما في بنات سيئات او زي ما بتحكي بعرطو احب احكيلك ((( يخزي العين حولكو انتو الشباب يا حرام ما بتعرطو لالالا ما بتعرطو ) بالنهاية الله يوفقك و بكرر انا ما اقصد الاهانة
من لإمارات العربية المتحدة
موضوع لزيز أخي الكريم بس حرام مش كلهم هيك أنا بعرف صديقات من الأردن مش هيك. بس ما بينفي أن في منوا..
يعطيك العافية ودمت بكل خير
سهى
من المملكة العربية السعودية
بسم الله الرحمن الرحيم
اخي العزيز
السلام عليكم ورحمة الله وبركاته0
والله يا قرابة كل كلامك في محله
ولو انك انسيت بعض المتحجبات خارج سور الجامعة وكيف وضعهن في المك بار على راي بعض الطلاب
تقبل تحياتي
== ابوجاسم==
من Satellite Provider
شكرا على كلامك الحلو والصراحه بنات الاردن يستاهلو الدلع
من الأردن
اسمحلي مش كل بنات الاردن هيك في فئه بتجلط
صحيحي بس مش الكل وبعدين يخزي العين على شبابنا بلاش الواحد يحكي على افلامكم وعموما شكرا على الموضوع
ممكن كلامك يكون صح بس لعلمكم الطرف التاني متلو باضبط ..ومافي حد احسن من حد ...اذا بنات هيك كمان الشباب هيك ..وصحيح مبالغ شوي في الحكي ومع ذلك بموووووت على هيك بنات
من المملكة العربية السعودية
ههههههههههههه 
يعني مش للدرجة دي
احترنا فيكم والله
مره تقولوا البنت تبغى المساواة مع الرجل وصايرة مثل الرجال
ومرة تقولوا كلها كذب وسطحية
ههههههههه
طيب انا مستنيه منك موضوع عن حكاوي شباب الاردن وشو اهتماماتهم
ولاتنسى تدعوني عليه
وياليت يكون بنفس الصدق
وبنفس الفكاهه
دمت بود ياجاري
جارتك من فيروزيات قهوتي الصباحية
نادين
من المغرب
صباح الفل
حكايات صغتيها في قالب جميل، ورغم اللهجة الأردنية وبعض الكلمات صعبة المفهوم، فقد تتبعت خيوطها إلى النهاية.
اتمنى ان اسمع منك حكايات على الشباب الذكور في الأردن واهتماماتهم.
مدونتك جميلة.
تسلمي
من مصر
مع خالص تحياتى " سعدت بالمرور محمد مازن سلامى الى اهل الأردن
وكل عام وانتم بخير "
من المملكة العربية السعودية
مواصفات اتلاقيها متكررة عند الكثير من البنات في اي بلد عربي مع بعض الأختلافات
بس نظل بنات وحقنا ندلع ونتغندر
تحياتي
من المغرب
صراحتا
شوقتينا
وكيف لا ؟ فمادامت قلوبهم طيبة بس العرط دبحهم .
أريد أن أسألك ما معنى العرط ؟؟؟ 
من الأردن
كثير حلو وكلام خفيف وواقعي والمشكلة البنات عارفات انو الشباب مقرنين من هاي القصص ومع ذلك مستمرين بلعرط والكذب ما في احلى من الطيعة والواقع واكون زي ما انا من دون تصنع شكرا كتير وحلوة
من الأردن
بحب أحيلك موفقة
وهلا عمي للشباب والصبايا
والنكبة في هذا الجيل
الواحد لما تشوفوا بتتمنى تشوتوا
وهو عامل حاله
زي الجدي اللي هارب من المسلخ
معطيها جل
ومعطيها واكس
ومعطيها تلفون بدون خط
من مصر
اخى العزيز
ايه يا عم الصفات ديه
و البنات هتتجوز ازاى
و بيرجعوا و يقول فيه عنوسة
مقالك ضغط على تقطة واقعية و حساسة
و هذه النقطة ليست فى الاردن فقط بل فى مصر ايضا و فى كل الدول العربية
لك منى السلام
جلال
من الأردن
الموضوع كتير حلو بس مو كل البنات هيك و مو كل البنات بهمهم شكل الشب المهم هو الشخصية و مو اذا تعرفتو على كم بنت هيك بكونو كل البنات نفس الشي لا تبالغو كتيير لا تزودوها
من الأردن
موضوعك حلو
بس مبالغ فيه
وموضوعك القادم
خليه عن الشباب بالأردن
والخصر الساحل
من الجزائر
تهكم جميل .يعكس بطريقة ما قبح الواقع المعاش.ولكن لا تغضب من بنات الأردن فقط بل اغضب من الشباب العربي بأسره فالتفاهة أصبحت قاسما مشتركا لهم إلا من رحم ربك .وتقبل مروري
من الأردن
If you kiss her, you are not a gentleman
لو قبلتها , تكون رجلاً غير محتــرم
If you don't, you are not a man
ولو لم تقبلها, تكون لست رجلاً
If you praise her, she thinks you are lying
إذا مدحتهــا تعتقــد أنـــك كـــــذاب
If you don't, you are good for nothing
وإذا لم تمدحهـــا تعتقد بأنك لا تصلــح لشيء
If you agree to all her likes, you are a wimp
إذا وافقتها على كل ما تريد تعتقد أنك بلا شخصيـــة
If you don't, you are not understanding
وإذا لم توافقهـــا أنت رجـــل لا يفهــم شيئاً
If you visit her often, she thinks it is boring
إذا زرتهــا كثيراً تعتقد أنــك رجــل خسيس
If you don't, she accuses you of double-crossing
وإذا لم تزرهـــا فـــأنت شخص لا مبالي
If you are well dressed, she says you are a playboy
إذا كــنـــت مهتماً بمظهرك وشياكتك فأنت رجـــل لعـــوب
If you don't, you are a dull boy
وإذا لم تلبــس جيداً فأنـــت رجـــل تحرق الأعصـــاب
If you are jealous, she says it's bad
إذا كـنــت رجلاً غيوراً فـــأنت سيء الطبـــاع
If you don't, she thinks you do not love her
وإذا لم تظهــر لك غيرتهـــا فإنهــا تعتقــد أنـــك لا تحبهـــا
If you are a minute late, she complains it's hard to wait
إذا تأخرت عليها دقيقــة فإنها تشتكي وتتذمر وتقول : ما أصعب الانتظار !
If you visit another man, you're not putting in "quality time"
وإذا كنت تزور أحــد أصدقائــك فإنها تقول : بأنك رجــــل فاضي !
If you fail to help her in crossing the street,you lack ethics
إذا لم تتوقف لهـــا حتى تقطع الشارع فأنت رجـــل عديـــم الأخلاق
If you do, she thinks it's just one of men's tactics for seduction
من المملكة العربية السعودية
عزيزي الكريم
الثقة وامانه لزم تكون موجوده بين الطرفين بين البنت وامها
ما بحكي هاده الكلام دفاع عن البنات
الي بدها تكذب بتكون ابتكذب على نفسها عشان باخير رح تنكشف
يا ريت يرجع فينا الزمن الى الماضي عشان انصلح انفسنا أشوي
شكرا على موضوع الحلو
معاك دمعة عين من الأردن ومقيم في السعودية
من الأردن
هناك بعض من تنطبق عليهن هذه الصفات أو بعضها، ولكنهن لسن في كل الأردن، ولا حتى في خمسة بالمائة من صبايا الأردن...
هل رأيت المظاهرات المؤيدة لغزة في كل مدن الأردن؟؟؟ تلك النوعية هي صفات كل صبايا الأردن بصدق، اما القلة القليلة، فلأنها غريبة التصرفات، تظهر وتطفو على السطح.
دمت بخير
من الأردن
أدعو كل من سيمر من هنا للإنضمام إلى منتديات كل العرب، وهذا عنوانها:
www.kull-alarab.com
اهدييييييييييييييك هذه الماااااااده
وكل الحلوييييييييييييييييييييين
تقبلهاااااااااااااااا
http://www.way2allah.com/modules.php?name=Khotab&op=Detailes&khid=5634
من الأردن
السلام عليكم ورحمة الله وبركاته
حلوه كتير مقالك .. يا محمد
بس والله هيك عم تظلم بعض البنات يعنى مش لكل هيك
في بنات رائعات وفي النوع التانى الحكيت عنهم
بس برجع وبقولك
موضوعك حلوه كتييييييييير
يسلمووووووووا
أضف تعليقا
<<الصفحة الرئيسية
من الأردن
كلام حلو كتير وواقعي يسلمو